اسلام آباد (نمائندہ جنگ) صدر پاکستان کی جانب سے چین کے وزیر ٹرانسپورٹ لی شیائو پینگ کو پاکستان کے اعلیٰ سول اعزاز ”ہلال پاکستان“ سے نوازا گیا، اس سلسلہ میں بیجنگ میں پاکستانی سفارتخانے میں خصوصی تقریب ہوئی جس میں سفیر معین الحق نے چین کے وزیر ٹرانسپورٹ کو ”ہلال پاکستان“ سے نوازا، تقریب میں چینی وزارت ٹرانسپورٹ کے اعلیٰ حکام، میڈیا تنظیموں کے نمائندوں اور پاکستانی سفارتخانے کے افسران نے شرکت کی، پاکستان کے سفیر معین الحق نے خطاب کرتے ہوئے لی شیائو پینگ کو پاکستان چین دوستی کو مضبوط بنانے کی کوششوں اور پاکستان میں سڑکوں کے رابطے کے اہم منصوبوں کی تکمیل کیلئے ان کے کردار کو زبردست خراج تحسین پیش کیا۔