• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

2ایکس چینج کمپنیوں کے اجازت نامے منسوخ

آج کا اخبار
ملک بھر سے
26 ستمبر ، 2023
کراچی ( اسٹاف رپورٹر) اسٹیٹ بینک آف پاکستان نے ایکس چینج کمپنی میسرز الصحارا ایکسچینج کمپنی (پرائیویٹ) لمیٹڈاور بی کیٹیگری کی ایکسچینج کمپنی میسرز پریمیئر ایکسچینج کا اجازت نامہ معطل کردیا ہے،ترجمان اسٹیٹ بینک کے مطابق میسرز الصحارا ایکسچینج کمپنی (پرائیویٹ) لمیٹڈ کے اجازت نامے کو اسٹیٹ بینک کے قواعد و ضوابط اور ہدایات کی سنگین خلاف ورزیوں کی وجہ سے فوری طور پر تین (03) مہینے کے لیے معطل کر دیا ہے۔ مذکورہ ایکس چینج کمپنی، اس کے صدر دفتر، برانچوں، اور فرنچائزز کو معطلی کی مدت کے دوران کسی بھی قسم کی کاروباری سرگرمی انجام دینے سے روک دیا گیا ہے۔دریں اثنا اسٹیٹ بینک نے ’زمرہ ب ‘کی ایکس چینج کمپنی میسرز پریمیئر ایکسچینج کمپنی- بی (پرائیویٹ) لمیٹڈ کے اجازت نامے کو بھی اسٹیٹ بینک کے قواعد و ضوابط اور ہدایات کی سنگین خلاف ورزیوں کی وجہ سے فوری طور پر تاحکم ثانی معطل کر دیا ہے۔ ایکس چینج کمپنی، اس کے صدر دفتراور تمام برانچوں کو معطلی کی مدت کے دوران کسی بھی قسم کی کاروباری سرگرمی انجام دینے سے روک دیا گیا ہے۔
ملک بھر سے سے مزید