فرمان الہی
نماز کے اوقات
میلبورن (جنگ نیوز) رافیل نڈال نے دوسری بار آسٹریلین اوپن ٹینس ٹورنامنٹ جیت لیا۔ وہ ٹینس کی تاریخ کے سب سے کامیاب ترین کھلاڑی بن گئے۔ یہ ان کے کیریئر کا21 واں گرینڈ سلم ٹائٹل ہے۔ فیڈرر اور جوکوچ20،20 بار گرینڈ سلم جیتنے والے کھلاڑی ہیں۔ اتوار کو میگا ایونٹ کے فائنل میں انہوں نے روسی حریف ڈینل میڈویڈیف کو زیر کیا، فائنل میں نڈال کو ابتدائی دوسیٹس میں ناکامی کا سامنا کرنا پڑا لیکن انہوں نے شاندار کم بیک اور اگلے تین سیٹ جیت کر ریکارڈ بکس میں اپنا نام درج کرالیا۔کامیابی کے بعد انہوں نے اسے اپنےکیریئر کاانتہائی جذباتی لمحہ قرار دیا۔خیال رہے کہ چند ماہ قبل انجریز کے سبب ان کی ٹینس کورٹس میں واپسی مشکل سمجھی جارہی تھی۔
