• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

باجوڑ جیل میں تمام قیدیوں کی ویکسینشن کا عمل مکمل

میرا شہر
پشاور
01 فروری ، 2022
پشاور(جنگ نیوز)باجوڑ ڈسٹرکٹ جیل میں تمام قیدیوں کی ویکسینشن کا عمل مکمل۔ حکومت خیبر پختونخوا کی پالیسی اور ڈپٹی کمشنر باجوڑ افتخار عالم کی خصوصی ہدایت پر ایڈیشنل اسسٹنٹ کمشنر خار 1 شیر رحمان اور ایڈیشنل اسسٹنٹ کمشنر خار 2 شہباز خان نے ویکسینیشن سنٹرز واقع سول کالونی گیٹ اور CFC سنٹر خار کا دورہ کیا اور ٹیموں کی کارکردگی کا جائزہ لیا اور ان کی ویکسینیشن ٹارگٹ کو چیک کیا جو کہ تسلی بخش تھا۔ ایڈیشنل اسسٹنٹ کمشنرز نے ویکسینیشن عملے کو مطلوب ٹارگٹ پورا کرنے کی ہدایت کی۔ اسکے علاؤہ دونوں اسسٹنٹ کمشنرز نے سول کالونی جیل کا بھی دورہ کیا اور قیدیوں سے ان کے مسائل پوچھے جس کے بعد جیل انتظامیہ سے بھی ملاقات کی اور قیدیوں کے مسائل حل کرنے کی ہدایت کی۔ جیل انتظامیہ نے اسسٹنٹ کمشنرز سے غیر ویکسین شدہ قیدیوں کے لیے ویکسینیشن ٹیم کی تعیناتی کا مطالبہ کیا جس پر دونوں نے بروقت ٹیم بلا کر موقع پر اپنی موجودگی میں تمام قیدیوں کو کروناویکسین لگائی۔اور دوسرے مسائل حل کرنے کی بھی یقین دھانی کرائی۔
پشاور سے مزید