فرمان الہی
نماز کے اوقات
کراچی ( اسٹاف رپورٹر) پاکستان سپر لیگ سیون کا 25واں میچ ریکارڈ ساز رہا ۔ گلیڈی ایٹر کو رنز کے اعتبار سے سب سے بڑی شکست ہوئی ، سلطانزنے موجودہ ایونٹ کابڑا اور ٹورنامنٹ کی تاریخ کا دوسرا بڑا اسکور245 رنز بنایا اور ایک ہی میچ میں دو سنچری شراکت کا نیا کار نامہ بھی انجام دیا۔پاکستان میں پہلی مرتبہ ایک ٹی 20 میچ میں 2 سنچری پارٹنر شپ بنیں۔ دونوں ہی شراکتوں میں محمد رضوان حصہ دار رہے۔ پہلی سنچری شراکت119 رنز کی محمد رضوان اور شان مسعود کے درمیان بنی ۔ اس کے بعد محمد رضوان نے رئیلی روسو کے ساتھ ایک اور سنچری شراکت قائم کی۔ ٹی 20 کرکٹ کی تاریخ میں ایک اننگز میں 2 سنچری کی شراکت کا یہ مجموعی طور پر 12واں موقع تھا، اس سے قبل مختصر ترین دورانیے کی کرکٹ میں 11 بار ایسا ہوچکا ہے۔ یاد رہے کہ سپر لیگ میں بڑے مجموعے کا ریکارڈ 247 رنز کے ساتھ اسلام آباد یونائیٹڈ کے پاس ہے۔
