• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ارکان اسمبلی کو دباؤ میں لانے کی کوشش کی جارہی ہے،مریم اورنگزیب

آج کا اخبار
اہم خبریں
21 فروری ، 2022
کراچی (نیوز ڈیسک) پاکستان مسلم لیگ (ن) کی ترجمان مریم اورنگزیب نے کہا ہے کہ تحریک عدم اعتماد ہر سیاسی جماعت کا آئینی اور قانونی حق ہے لیکن کے پی کے سے ایک شخص کے ذریعے ارکان کو دباؤ میں لانے کی کوشش کی جارہی ہے۔ اپنے بیان میں مریم اورنگزیب کا کہنا تھاکہ اپوزیشن اور پاکستان ڈیموکریٹک موومنٹ (پی ڈی ایم) مناسب وقت پرمشاورت سے تحریک عدم اعتماد لائیں گی۔ ان کا کہنا تھاکہ اراکین پارلیمان کو دباؤ میں لانےکی کوشش کی جارہی ہے، پشاور سے ایک شخص کے ذریعے ارکان کو دباؤ میں لانے کی کوشش کی جارہی ہے، آپ کی سیاست میں ادارے کو گھسیٹنے کی وجہ سے پہلے ہی ادارے کی ساکھ و قدر متاثر ہوئی۔ مریم اورنگزیب کا کہنا تھاکہ آپ سیاست کے میدان میں سیاسی انداز میں مقابلہ کریں، آپ باز نہ آئے تو ہم اِن صاحب کا نام لینے پر مجبور ہونگے۔ ان کا کہنا تھاکہ یہ غیرآئینی حرکتیں عمران خان کے خوف اور شکست کا واضح ثبوت ہیں۔
اہم خبریں سے مزید