فرمان الہی
نماز کے اوقات
کراچی (اسٹاف رپورٹر) پاکستان کپ ون ڈے میں حسیب اللہ، اسد شفیق، عمر امین اور محمد سرور نے سنچریاں اسکور کیں ۔ یاسر شاہ نے پانچ وکٹ حاصل کئے۔ اقبال اسٹیڈیم فیصل آباد میں بلوچستان نے سدرن پنجاب کو105رنز سے شکست دے دی۔ فاتح ٹیم نے 50اوورز میں 4وکٹ پر 320رنز بنائے۔ حسیب اللہ نے142اور اسد شفیق نے 78 گیندوں پر101رنز کی ناقابل شکست اننگز کھیلی۔ جواب میں سدرن پنجاب کی پوری ٹیم 215رنز پر ڈھیر ہوگئی۔ یاسر شاہ نے 44رنز کے عوض 5شکار کیے۔ ملتان میں سندھ نے سینٹرل پنجاب کو 3وکٹوں سے ہرادیا۔ سندھ نے135رنز کا ہدف 35.1اوورز میں 7وکٹ پر حاصل کرلیا۔ اسلام آباد میں خیبرپختونخوا نے ناردرن کو5وکٹوں سے ہرادیا۔ خیبرپختونخوا نے270رنز کا ہدف تین گیندیں قبل حاصل کرلیا۔ محمد سرور نے119رنز اسکور کیے۔اس سے قبل ناردرن نے7وکٹ پر269رنز بنائے۔ عمر امین نے ناٹ آؤٹ 124رنز بنائے۔
