سکھر (بیورورپورٹ ) سی ٹی ڈی پولیس سکھر کی بڑی کارروائی آرائیں روڈ گرڈ اسٹیشن کے نزدیک سے تین دہشتگردوں کو گرفتار کرنے کا دعوی کیا گیا ہے ۔ ترجمان سی ٹی ڈی کے مطابق کالعدم تنظیم سندھ روولیشنری آرمی ( ایس آر اے ) کے دہشت گردوں کو گرفتار کیا گیا ہے،گرفتار دہشت گردوں کے قبضے سے بارودی مواد بھی برآمد کیا گیا ہے جسمیں ایک لوکل ہینڈ میڈ بم ، ایک بلیک بیٹری ، ایک عدد ٹائمر 7عدد ڈیٹونیٹر شامل ہیں۔ گرفتار ملزمان کا تعلق ماضی میں کالعدم قوم پرست تنظیم سے بھی رہا ہے، گرفتار ملزمان میں راشد سولنگی، مہتاب چنا اور عجب تنیو شامل ہیں،گرفتاردہشت گردوں نے متعدد وارداتوں میں ملوث ہونے کا اعتراف کیا،گرفتار دہشت گردوں نے ماضی میں مختلف ٹرینوں کو مختلف اوقات میں ڈی ریل کرنے اور دیگر تخریب کارانہ / دہشت گردانہ کاروائیوں میں بھی شامل ہونے کا بھی اعتراف کیا ہے،ملزمان نے کراچی پورٹ قاسم میں چائنیز اور رینجرز کی ریکی میں اہم کردار ادا کیا اور انہیں نقصان پہنچانے کی کوشش کی ، مزید تفتیش کی جارہی ہے۔
فرمان الہی
نماز کے اوقات
