• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شاہد محبوب کراچی،وسیم حیدر ملتان ہائی پرفارمنس سینٹر چیف مقرر

آج کا اخبار
اسپورٹس
22 مارچ ، 2022
کراچی (اسٹاف رپورٹر) پاکستان کرکٹ بورڈ نے سابق ٹیسٹ کرکٹر شاہد محبوب کو وسیم باری کی جگہ ہائی پرفارمنس سینٹر کراچی اور سابق کرکٹر وسیم حیدر کو ہائی پرفارمنس سینٹر ملتان کاسربراہ مقرر کردیا ہے۔ وسیم حیدر ، انضمام الحق کی سلیکشن کے رکن رہ چکے ہیں۔ 1983کا ورلڈ کپ کھیلنے والے شاہد محبوب نےایک ٹیسٹ اور 10ون ڈے انٹرنیشنل میچز میں پاکستان کی نمائندگی کی ۔ پیر کو پی سی بی نے اعلان کیا کہ عمران عباس کو جنرل منیجر نیشنل ہائی پرفارمنس سینٹر لاہور مقرر کردیا گیا ہے۔ وہ اس سے قبل ہائی پرفارمنس سینٹر ملتان کے سربراہ تھے۔ لاہور کے ہائی پرفارمنس سینٹر کے سابق جنرل منیجر عصر ملک نوبل انعام یافتہ ملا لہ یوسف زئی سے شادی کے بعد برطانیہ منتقل ہوگئے ہیں۔ اس کے علاوہ توفیق احمد کو سندھ کرکٹ ایسوسی ایشن کا چیف ایگزیکٹو تعینات کردیا گیا ہے۔
اسپورٹس سے مزید