• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کوئٹہ: گاڑیاں اور موٹرسائیکل چھیننے والے3کارندوں سمیت 16 مفرور گرفتار

میرا شہر
کوئٹہ
06 اپریل ، 2022
کوئٹہ ( اسٹاف رپورٹر) نیو سریاب پولیس نے گاڑیاں اور موٹرسائیکل چھیننے والے گروہ کے خلاف کریک ڈائون کرتے ہوئے گروہ کے تین کارندوں سمیت 16 مفروروں کو گرفتار کر کے مسروقہ گاڑی اور موٹرسائیکل قبضے میں لے لی ۔پولیس کے مطابق ایس پی سریاب ڈویژن آصف فراز مستوائی کو خفیہ اطلاع ملی تھی کہ گاڑیاں اور موٹرسائیکلیں چھیننے اور چوری کرنے والے دو گروہ کے کارندے نیو سریاب کے علاقے میں موجود ہیں ،جس پر ایس ایچ او نیو سریاب بابر بلوچ کی سربراہی میں ٹیم تشکیل دی جس نے گزشتہ روز کارروائی کرتےہوئے ایک روز قبل بروری روڈ سے چھینی گئی گاڑی برآمد کر کے ملزم مختیار علی کو گرفتار کر لیا جبکہ موٹرسائیکل چھیننے والے گروہ کے دو کارندوں جہانزیب اور احمد دین کو گرفتار کر کے مسروقہ موٹرسائیکل برآمد کر لی۔ پولیس نے بتایا کہ ایک اور کارروائی میں مختلف مقدمات میں مطلوب 8 اشتہاری اور 5 پانچ مفرورملزمان کو بھی گرفتار کرلیا ۔
کوئٹہ سے مزید