فرمان الہی
نماز کے اوقات
کراچی(اسٹاف رپورٹر)انگلش کاونٹی کرکٹ چیمپین شپ میں شاہین آفریدی کی ٹیم مڈل سیکس نےگلمورگن کو اننگز اور82رنز سے شکست دے دی۔کارڈف میں ہفتے کو گلمورگن کی ٹیم دوسری اننگز میں132رنز بناکر آوٹ ہوگئی۔پہلی اننگز میں تین وکٹ لینے والے شاہین شاہ آفریدی نے دوسری اننگز میں34رنز دے کر ایک وکٹ حاصل کی۔شاہین شاہ آفریدی نے ایک پھر دنیا کے نمبر ون ٹیسٹ بیٹر مارنوس لبوشین کو آؤٹ کردیا۔انہوںنے آسٹریلوی کھلاڑی مارنوس لبوشین کو صرف 23 رنز بنانے کے بعد پویلین کی راہ دکھائی۔پاکستانی بیٹر شان مسعود نے کاؤنٹی چیمپئن شپ میں ایک اور ڈبل سنچری بنادی، یوں مسلسل دو اننگز میں ان کی دو ڈبل سنچریاں ہوگئیں۔شان مسعود نے اس سے قبل سسکس کے خلاف 239 رنز کی اننگز کھیلی تھی، وہ کاؤنٹی چیمپئن شپ میں مسلسل دو اننگز میں 2 ڈبل سنچریاں بنانے والے پہلے پاکستانی ہیں شان مسعود مسلسل دو فرسٹ کلاس اننگز میں ڈبل سنچری اسکور کرنے والے دوسرے پاکستانی کھلاڑی ہیں، اس سے قبل 1977-78 میں حبیب بینک کے ارشد پرویز نے یہ کارنامہ انجام دیا تھا۔لیگ اسپنر شاداب خان نے شان مسعود کو ڈبل سنچری کی مبارک باد دیتے ہوئے لکھا کہ ’میں نے آپ سے کہا تھا کہ آپ تین ڈبل سنچریاں کرو، میں آپ کے پاس آجاؤں گا، بس ایک رہ گئی دو ہوگئی ہیں۔شان مسعود نے بھی شاداب خان کو جواب دیتے ہوئے لکھا کہ ’بس اب جلدی آجاؤ۔شان کی ٹیم ڈاربی شائر کے ہیڈ کوچ مکی آرتھر نے بھی ان کی بیٹنگ کی تعریف کی ہے۔
