فرمان الہی
نماز کے اوقات
کراچی(اسٹاف رپورٹر)ڈاکٹر ایم اے شاہ سلور جوبلی نائٹ کرکٹ ٹرافی کے پہلے دن ایشال فیلکن سی سی نے خیبر زلمی کو 126 رنز سے اور کینٹ ویریس نے ارحم سی سی کو 8 وکٹوں سے شکست دے دی۔ پہلے میچ میں ایشال فیلکن نے مقررہ اوورز میں سات وکٹوں پر 255 رنز اسکور کیے۔ طارق نواز نے سات چوکوں اور چھ چھکوں کی مدد سے 87 رنز بناے۔ حسین طلعت کے 53 رنز میں پانچ چھکے شامل تھے جبکہ عمر اکمل نے 21 اور قاسم اکرم نے 40 رنز اسکور کیے۔ محمد علی اور وحید خان نے تین تین وکٹیں حاصل کیں۔ جواب میں خیبر زلمی 129 رنز بناسکی ۔ زین انور 58 رنز کے ساتھ نمایاں رہے۔ سدیش نے چار رنز کے عوض تین وکٹیں اپنے نام کیں۔ دوسرے میچ میں ارحم کلب 115 رنز پر ڈھیر ہوگئ۔ سلیمان سلیم نے 41 رنز بناے. رحمان غنی نے تین وکٹیں حاصل کیں۔ کینٹ ویریس نے ہدف دو وکٹیں گنواکر 8.5 اوورز میں حاصل کرلیا۔
