• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سیکورٹی ادارے کا شیخ رشید کے میڈیا سینٹر پر چھاپہ، گرفتاری کے بغیر چلے گئے

آج کا اخبار
اہم خبریں
02 مئی ، 2022
اسلام آباد(این این آئی)قانون نافذ کرنے والے ادارے نے سابق وزیر داخلہ اور عوامی مسلم لیگ کے سربراہ شیخ رشید کے میڈیا سینٹر پر چھاپہ مارا ہے۔ذرائع کے مطابق چھاپہ رات گئے سیکٹر ایف سیون فور میں واقع گھر میں مارا گیا ہے۔دوسری جانب سابق وزیر داخلہ شیخ رشید احمد نے بھی چھاپے کی تصدیق کرتے ہوئے کہا کہ رات کو قانون نافذ کرنے والے ادار ے کے لوگ آئے تھے،گرفتاری کیے بغیر چلے گئے۔یاد رہے کہ شیخ رشید احمد کے بھتیجے شیخ راشد شفیق کو سعودی عرب سے واپسی پر اسلام آباد ائیرپورٹ پر گرفتار کر لیا گیا، شیخ راشد شفیق نجی ائیر لائن کی پرواز سے اسلام آباد پہنچے تھے جہاں سے انہیں گرفتار کیا گیا۔ ذرائع کے مطابق شیخ راشد شفیق کو اسلام آباد ائیر پورٹ سے گرفتار کر کے ایف آئی اے کے سیل شفٹ کر دیا گیا ۔ شیخ راشد شفیق نے مسجد نبوی ۖ میں وفاقی وزراء کے ساتھ پیش آئے افسوسناک واقعے پر خوشی کا اظہار کیا تھا۔
اہم خبریں سے مزید