• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سکھر، گڈو اور کوٹری بیراجوں کو پانی کی قلت، کراچی میں فراہمی متاثر ہونیکا خدشہ

آج کا اخبار
اہم خبریں
06 مئی ، 2022
کراچی ( آن لائن ) سندھ کے سکھر، گڈو اور کوٹری بیراجوں کو پانی کی قلت کا سامنا ہے، پانی بحران شدید ہونے پر کراچی کو پینے کے پانی کی فراہمی متاثر ہونے کا خدشہ ہے، بالائی علاقوں میں بارشیں نہ ہونے پر زرعی پانی کے ساتھ پینے کے پانی کا بحران جنم لے سکتا ہے۔انچارج کنٹرول روم سکھر بیراج کے مطابق سکھر اور گڈو بیراج کے کئی کینالوں کو پانی کی فراہمی متاثر ہوئی ہے کوٹری بیراج پر پانی کم پہنچنے کی وجہ سے کراچی کے لئے کینجھر جھیل دیگر شاخوں کو پانی کی فراہمی خطرات سے دوچار ہے۔آبپاشی حکام کا کہنا ہے کہ اس وقت تینوں بیراجوں کو پانی کی مجموعی طور 40 فیصد سے زائد کمی کا سامنا ہے۔سکھر بیراج کے کنٹرول روم کے انچارج کے مطابق بالائی علاقوں میں بارشوں کا نیا سلسلہ شروع نہیں ہوتا تو مزید بحران پیدا ہو گا اگر پانی کی بحرانی صورتِ حال برقرار رہی تو سندھ میں فصلوں کو شدید نقصان ہو سکتا ہے۔
اہم خبریں سے مزید