فرمان الہی
نماز کے اوقات
کراچی ( اسٹاف رپورٹر) انگلش کائونٹی میں ہمپشائر نےپاکستانی فاسٹ بولر محمد عباس کی میچ میں نو وکٹ کی بدولت گلوسٹر شائرکو87رنز سے شکست دے دی، محمد عباس نے پہلی اننگز میں 45اور دوسری اننگز میں 62 رنز کے عوض چھ اور تین وکٹ لئے۔ گلوسٹر شائر کی جانب سے محمد عامر نے چھ وکٹ لئے۔اسکور یہ رہا۔ ہمپشائر نے342اور 204 رنز ،گلوسٹر 179اور 280 رنز۔ ووسٹر میں ووسٹر شائر اور ڈرہم کا میچ ڈرا ہوگیا۔ ووسٹر شائر کی جانب سے پہلی اننگز میں صفر پر آئوٹ ہونے کے بعداظہر علی نے دوسری اننگز میں بارہ چوکوں کی مدد سے 92 رنز کی اننگز کھیلی۔ پاکستان کرکٹ ٹیم کے نائب کپتان محمد رضوان کو کائونٹی میں مصروف ہیں کچھ وقت نکال کر ا نگلینڈ میں بیٹ بنانے والی کمپنی کے ہیڈ کوار ٹر کا دورہ کیا۔ بیٹ بنانے والی کمپنی کے ہیڈ نے رضوان کی آمد اور تعریف کا شکریہ ادا کیا۔
