فرمان الہی
نماز کے اوقات
کراچی (اسٹاف رپورٹر) دورہ پاکستان کے لیےسری لنکا نے پندرہ رکنی کرکٹ ٹیم کا اعلان کردیا ۔ ٹیم کی قیادت چماری آتا پاتوکریں گی ۔ مہمان ٹیم دورہ پاکستان کے لیے 19 مئی کو کراچی پہنچے گی۔ پاکستان کرکٹ بورڈ نے 24 مئی سے شروع ہونے والی سیریز کیلئے میچ آفیشلز کا اعلان کردیا ہے۔ ٹی ٹوئنٹی سیریز میں شامل تین میچز 24، 26 اور 28 مئی کو کھیلے جائیں گے۔ آئی سی سی ویمنز چیمپئن شپ میں شامل تین ون ڈے انٹرنیشنل میچز یکم، تین اور پانچ جون کو کھیلےجائیں گے۔ آصف یعقوب، فیصل آفریدی، امتیاز اقبال اور عمران جاوید اس سیریز میں آن فیلڈ امپائرز کی ذمہ داریاں نبھائیں گے۔ ٹی ٹوئنٹی انٹرنیشنل سیریز کے لیے علی نقوی جبکہ ون ڈے انٹرنیشنل سیریز کے لیے جاوید ملک کو میچ ریفری مقرر کیا گیا ہے۔ پاکستان کرکٹ ٹیم کا تربیتی کیمپ کراچی میں جاری ہے۔
