• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کوئٹہ: گاڑیاں اور موٹر سائیکلیں چھیننے والے گروہوں کے 7 کارندے گرفتار

میرا شہر
کوئٹہ
12 مئی ، 2022
کوئٹہ ( اسٹاف رپورٹر) کوئٹہ پولیس نے گاڑیاں اور موٹرسائیکلیںچھیننے کی کارروائیاں کرتے ہوئے دو گروہوں کے سات کارندوں کو گرفتار کر کے ایک مسروقہ گاڑی ٗ موٹرسائیکل اور موبائل فون قبضے میں لے لیا، پولیس کے مطابق ایس پی سریاب ڈویژن آصف فراز مستوئی کو خفیہ اطلاع ملی تھی کہ موٹرسائیکل چھیننے والے گروہ کے چار کارندے کیچی بیگ کے علاقے میں ایک مکان میں موجود ہیں جس پر ایس ایچ او کیچی بیگ قادر قمبرانی کی سربراہی میں ٹیم نے مکان پر چھاپہ مار کر محمد آصف عرف جوشی ٗ بابر علی ٗ محمد اکرم اور اور محمد صادق کو گرفتار کر کے مسروقہ موٹر سائیکل برآمد کر لی جبکہ ائیر پورٹ تھانہ پولیس نے بھی خفیہ اطلاع پر کارروائی کرتے ہوئے گاڑیاں چھیننے والے گروہ کے تین کارندوں سعید احمد ٗ منصور احمد اور بہادر خان کو گرفتار کر کے ایک مسروقہ گاڑی قبضے میں لے لی ۔
کوئٹہ سے مزید