پانی کے بہاؤ میں دوسری کمی سے ملک ایک بار پھر متاثر

اسلام آباد (خالد مصطفیٰ) پانی کے بہاؤ میں دوسری کمی سے ملک ایک بار پھر متاثر ، تربیلا ڈیم چار ماہ میں دوسری مرتبہ ڈیڈ لیول پر پہنچ گیا، دریائے جہلم اور چناب میں پانی کے بہاؤ میں 45 فیصد اور کابل میں 28 فیصد تک کمی۔ تفصیلات کے مطابق پانی کے بہاؤ میں دوسرے ڈپ نے ملک کے آبی نظام کو متاثر کیا ہے جس کی وجہ سے پیر کی صبح کے اوقات میں تربیلا ڈیم کسی وقت دوبارہ ڈیڈ لیول پر پہنچ گیا جب واپڈا اتوار کو رات گئے ہائیڈرو جنریشن کے لیے پانی چھوڑے گا۔ اس بار رم اسٹیشن پر بہاؤ میں 27 فیصد کمی کے ساتھ ڈپ درج کیا گیا ہے جو کہ آنے والے وقت میں مزید شدت اختیار کرے گا جیسا کہ یہ 10-12 دن تک رہے گا۔ارسا کے ترجمان خالد ادریس رانا نے دی نیوز کو بتایا کہ اس کیلنڈر سال کے چار ماہ میں یہ دوسرا موقع ہے جب تربیلا ڈیڈ لیول پر پہنچ گیا ہے جیسا کہ یہ پہلی بار فروری 2022 میں دریا میں تیزی سے آیا تھا اور یہ مارچ اور اپریل میں ڈیڈ لیول پر رہا۔