فرمان الہی
نماز کے اوقات
کراچی ( اسٹاف رپورٹر) خواتین کر کٹ ٹیم کی بیٹر سدرا امین نے کہا ہے کہ محمد رضوان اور بابر اعظم کو فالو کرتی ہوں، ان کی تیکنک سے اپنی خامیوں کو دور کرنے کی کوشش کرتی ہوں، جمعے کو کراچی میں میڈیا سے بات چیت میں انہوں نے کہا کہ کوشش ہوتی ہے کہ اچھی اننگز سے رنز کروں اور ٹیم کی جیت میں اپنا کردار ادا کرسکوں، پہلے کے مقابلے میں اب مواقع ملنے لگے ہیں، کوشش ہے ان سے مستفید ہوں۔ سری لنکا کے خلاف جیت سے اعتماد ملے گا، کوشش ہوگی کہ تیسری اور چوتھی بھی جلد کروں۔ ابھی اگلا میچ باقی ہے اس میں بھی سنچری کا ہدف لے کر میدان میں جائوں گی ۔کھلاڑیوں کو سری لنکا کے خلاف سیریز سے اچھا تجربہ ملا ہے،پاکستان خواتین میں اس سیریز سے نیا شوق پیدا ہوا،ہماری کھلاڑیوں میں بہت زیادہ ٹیلنٹ ہے مگر ہمیں عالمی مقابلوں کے مواقع کم ملتے ہیں جس کی وجہ سے بڑے میچوں میں مشکلات کا سامنا کرنا پڑتا ہے۔
