فرمان الہی
نماز کے اوقات
کراچی ( اسٹاف رپورٹر) پاکستان فائیو اے سائیڈ ہاکی ٹیم ایف آئی ایچ ہاکی فائیو کھیلنے کیلئے سوئٹزرلینڈ تو پہنچی تو اس کے پاس سامان نہیں تھا۔ سامان دوحا سے لوزان نہیں پہنچا۔ ٹیم کو جمعے ٹریننگ میں حصہ لینا تھا جو نہیں ہوسکی ، ہفتے سے دو روزہ ٹورنامنٹ کا آغاز ہو گا ، اسکواڈ کی ہاکی اور دیگر سامان کی ایک ساتھ بکنگ کرائی گئی تھی۔ جنوبی افریقا کی خواتین ہاکی ٹیم بھی دوحا سے لوزان کی اسی فلائٹ پر تھی، اس کا سامان بھی نہیں پہنچا۔ ہیڈ کوچ ریحان بٹ کا کہنا ہے کہ ایئر لائن کو شکایت درج کراچکے ہیں لیکن سامان ٹریک نہیں ہو رہا، ایف آئی ایچ بھی کوشش کررہی ہے ممکن ہے کہ جلد ہاکی اسٹکس مہیا کردی جائیں۔ کھلاڑی اپنے سامان کے ساتھ کھیلنے کے عادی ہیں، کھلاڑیوں کو ٹریننگ اور میچ میں مشکل پیش آسکتی ہے۔
