فرمان الہی
نماز کے اوقات
کراچی ( اسٹاف رپورٹر)سوئٹزرلینڈ کے شہر لوزانے میں فائیو اے سائیڈ ہاکی ٹورنامنٹ میں پاکستان اور بھارت کا میچ دو دو گول سے برابر رہا۔ پاکستان کی جانب سے ارشد لیاقت اور عبد الر حمان جبکہ بھارت کی طرف سے محمد راحیل اورگرساحبجیت سنگھ نے گول اسکور کیے۔ قبل ازیں ٹورنامنٹ کے پہلے میچ میں پاکستان نے پولینڈ کو 4-2 سے ہرادیا ۔ پاکستان کی جانب سے پہلا گول مرتضی یعقوب نے کیا جبکہ ابوذرنے تین گول بناکر ہیٹ ٹرک مکمل کی ۔ پولینڈ کی جانب سے وجیوک اور رابرٹ نے گول اسکور کیا ۔ اتوار کو پاکستان دو میچز کھیلے گا ۔ پہلا میچ پاکستانی وقت کے مطابق پانچ بجے سوئٹزرلینڈ جبکہ دوسرا7 بجے ملائیشیا کیساتھ کھیلے گا ۔ اسی روز ٹورنامنٹ کا فائنل بھی کھیلا جائے گا۔
