فرمان الہی
نماز کے اوقات
کراچی(اسٹاف رپورٹر)پاکستان کرکٹ بورڈ نے پاکستان خواتین کرکٹ ٹیم کے لیے اسٹرینتھ اینڈ کنڈیشننگ کوچ کی تلاش شروع کر دی ہے۔ہفتے کو اس حوالے سے اخبارات میں کوچ کی تلاش کے لیے اشتہار جاری کر دیا ہے، اسٹرینتھ اینڈ کنڈیشننگ کوچ کی تقرری کا مقصد ویمن کرکٹرز کی فزیکل فٹنس کو بہتر بنانا ہے۔اسٹرینتھ اینڈ کنڈیشننگ کوچ ویمن ٹیم مینجمنٹ کے ساتھ نیشنل ہائی پرفارمنس سینٹر میں بھی کام کرے گا۔واضح رہے کہ عہدے کے خواہشمند امیدوار 4جولائی تک درخواستیں جمع کرا سکتے ہیں ۔خیال رہے کہ پاکستان خواتین کرکٹ ٹیم کو برمنگھم کے کامن ویلتھ گیمز میں بھی شرکت کرنی ہے۔
