• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بینظیر بھٹو شہید کی لازوا ل قربانیوں قوم یاد رکھے گی،پیپلزٹریڈ ایسو سی ایشن

میرا شہر
پشاور
22 جون ، 2022
پشاور(نیوز رپورٹر) پیپلزٹریڈ ایسو سی ایشن نے پشاور سمیت صوبے بھر میں شہید بے نظیر بھٹو کی 69ویں سالگرہ جوش و جذبے اور احترام کے ساتھ منائی گزشتہ روز پیپلز ٹریڈ ایسو سی ایشن کے زیراہتمام سالگرہ تقریب کے موقع پر خصوصی کیک کاٹا گیا ا س موقع پر صدر سکندر اقبال، سینئر نائب صدر ریاض خان، سیکرٹری اطلاعات شاہد خان، ممبر کنٹونمنٹ بورڈ نعیم بخش بھی موجود تھے تقریب سے خطاب کرتے ہو ئے انہوں نے کہا کہ نظیر بھٹو شہید نے عالم اسلام کی پہلی منتخب وزیر اعظم کے طور پر دنیا بھرمیں پاکستان کا نام روشن کیا۔ ذوالفقار علی بھٹو شہید کے نقش قدم پر چلتے ہو ئے کسانوں، مزدوروں اور پسے ہو ئے طبقہ کی جنگ لڑی، باطل قوتوں کی آنکھوں میں آنکھیں ڈال کر بات کی۔ ملک و قوم کے لئے اپنی جان کا نذرانہ پیش کیا۔ انہیں سازش کے تحت نا حق قتل نہ کیا جاتا تو وہ آج ملک ایشن ٹارگٹ بن جاتا ملک و قوم کی ترقی و خوشحالی غریب عوام کے حقوق جمہوریت کے استحکام کے لئے بے نظیر بھٹو شہید کی لازوا ل قربانیوں کو قوم تا دیر یاد رکھے گی۔ صوبائی صدر نجم الدین خان کی قیادت میں پیپلز ٹریڈ ایسو سی ایشن نے پشاور سمیت صوبے بھر میں سالگرہ جوش و جذبے کے ساتھ منایا اس موقع پر کیک بھی کاٹے گئے جبکہ ٹریڈ سے وابستہ ممبران نے خون کے عطیات بھی دیئے۔
پشاور سے مزید