• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چترال میں گلیشئر پھٹ گیا، اپر چترال کا دیگر حصوں سے رابطہ منقطع

آج کا اخبار
اہم خبریں
10 جولائی ، 2022
چترال (صباح نیوز)چترال میں گلیشئر پھٹنے سے دریائے یار خون میں طغیانی آگئی، اپر چترال کا دیگر حصوں سے رابطہ منقطع ہوگیا، دریائے یار خون میں طغیانی آگئی، ڈیم کامنظر پیش کرنے لگا،عید پر گھر آنیوالے مسافر پھنس گئے۔ضلعی انتظامیہ کے مطابق برفانی جھیل پھٹنے اور گلیشئیر کی رکاوٹ کے باعث دریائے یار خون ڈیم میں تبدیل ہوگیا ہے ، پسوم گول کی جانب سے دریا کے بہائو میں بدستور اضافہ جاری ہے، جس کے باعث مرکزی سڑک دریا برد ہوگئی اور اپرچترال کا دیگرحصوں سیرابطہ منقطع ہوگیا۔سڑک دریا برد ہونے کے باعث عیدپر گھروں کو جانے والے مسافربڑی تعداد میں پھنس چکے ہیں۔مقامی افراد کا کہنا ہے کہ زمین کی کٹائی سے تین گھر دریابرد اور سات کو جزوی نقصان پہنچا جبکہ طغیانی سے کھیتوں اور جنگلات کو نقصان پہنچا۔ضلعی انتظامیہ نے کسی ہنگامی صورتحال سے نمٹنے کیلئے این ڈی ایم اے کو بھی آگاہ کردیاہے۔ 
اہم خبریں سے مزید