فرمان الہی
نماز کے اوقات
کراچی (اسٹاف رپورٹر) کولمبو میں جاری حکومت مخالف مظاہروں اور کشیدگی کے باوجود پاکستانی کرکٹ ٹیم سری لنکا کے خلاف پہلے ٹیسٹ میں شرکت کے لئے جمعرات کو کولمبو سے گال پہنچ گئی ۔ پاکستان کرکٹ بورڈ نے تصدیق کی ہے کہ سری لنکا میں ایمرجنسی کے نفاذ کے باوجود دونوں ٹیموں کے مابین سیریز شیڈول کے مطابق ہوگی۔ بس کے ذریعے دو گھنٹے کا سفر کرنے کے بعد پاکستانی کھلاڑیوں نے گال پہنچ کر آرام کیا ۔ پلیئرز جمعے کو پہلے پریکٹس سیشن میں حصہ لیں گے ۔پہلا ٹیسٹ ہفتے سے شروع ہوگا۔ سری لنکا نے پاکستان کے خلاف دو ٹیسٹ میچوں سیریز کیلئے 18 رکنی ٹیم کا اعلان کردیا۔ قیادت دموتھ کرونارتنے کریں گے ۔ دیگر کھلاڑیوں میں پاتھم نسانکا، اوشادا فرنینڈو، اینجیلو میتھیوز، کوسل مینڈس، دھننجایا ڈی سلویٰ، کامینڈو مینڈس، نیروشن ڈکویلا، دنیش چندی مل، رمیش مینڈس، ماہیش تھیکشانا، کاسن رجیتھا، وشوا فرنینڈو، اسیتھا فرنینڈو، دلشان مدھوشنکا، پرابتھ جےسوریا، دونتھ ویلا لاگے، جیفری واندرسے شامل ہیں ۔
