فرمان الہی
نماز کے اوقات
کراچی (اسٹاف رپورٹر) انگلش کرکٹ ٹیم کے دورہ پاکستان سے قبل سیکیورٹی اور دیگر انتظامات کا جائزہ لینے انگلش ماہرین کا وفد اتوارکو پاکستان پہنچ رہا ہے۔ چار رکنی وفد میں پلیئرز ایسوسی ایشن ، سیکیورٹی اور کرکٹ آپریشنز کے اراکین شامل ہیں ۔ پی سی بی کا کہنا ہے کہ وفد کراچی، لاہور، ملتان اور اسلام آباد کے دورے کرے گا۔ ذرائع کے مطاق حتمی شیڈول کا فیصلہ جائزہ ٹیم کی رپورٹ کی بنیاد پر ہوگا۔ انگلش ٹیم ورلڈ کپ سے قبل ٹی 20 میچز اور بعد میں ٹیسٹ سیریز کیلئے پاکستان آئے گی ۔ سات ٹی ٹوئنٹی میچز کراچی اور لاہور میں ہوں گے ۔ یہ سیریز انگلش کرکٹ ٹیم 20 ستمبر سے 2 اکتوبر کے درمیان کرانے کی تجویز ہے۔ دو وینیوز کی صورت میں چار ٹی ٹوئنٹی کراچی، تین لاہور میں کھیلے جائیں گے۔ 20، 22، 23 اور 25 ستمبر کو کراچی جبکہ لاہور میں میچز 28، 20 ستمبر اور دو اکتوبر کو ہوں گے۔ انگش ٹیم کی آمد 15 ستمبر کو متوقع ہے۔
