فرمان الہی
نماز کے اوقات
کراچی ( اسٹاف رپورٹر) پاکستان کرکٹ بورڈ نے ایشیا کپ سری لنکا میں کرانےکی حمایت کرتے ہوئے کہا کہ ایونٹ کی میزبانی سے سری لنکا کو معاشی بحران سے نکالنے میں مدد ملے گی۔ پی سی بی نے سری لنکن کرکٹ بورڈ اور ایشین کرکٹ کونسل سے رابطہ کیا ہے ۔ پی سی سی کا کہنا ہے کہ ایشیا کپ سری لنکا میں ہونےکا فائدہ ہے، ایونٹ سے سری لنکا کو ریونیو ملے گا، سری لنکا میں آسٹریلیا کے خلاف سیریز بھی کامیاب رہی، پاکستان کرکٹ ٹیم بھی سری لنکا میں سیریز کیلئے موجود ہے لہٰذا ایشیا کپ سری لنکا میں ہی ہونا چاہیے۔ خیال رہے کہ سری لنکا میں مخدوش معاشی حالات کی وجہ سے عوام حکومت کیخلاف سراپا احتجاج ہیں اور ایشین کرکٹ کونسل نے بنگلادیش کو ایونٹ کی میزبانی کیلئے اسٹینڈ بائی رکھا ہوا ہے تاہم اس حوالے سے ابھی حتمی فیصلہ نہیں ہوا۔ ایشیا کپ 27 اگست سے 11 ستمبر 2022 تک سری لنکا میں کھیلا جائے گا۔
