فرمان الہی
نماز کے اوقات
کراچی(اسٹاف رپورٹر) انگلش کرکٹ بورڈ کی سیکورٹی ماہرین پر مشتمل ٹیم پاکستان کے چار شہروں پنڈی،کراچی،لاہور اور ملتان کا دورہ مکمل کرکے وطن واپس پہنچ گئی ہے۔جلد پاکستان اور انگلینڈ کے درمیان سات ٹی ٹوئنٹی میچوں کے شیڈول کا اعلان کیا جائے گا۔پاکستانی حکام کے مطابق وفد کو چار وینیوز کے حوالے سے سیکورٹی اداروں نے بریفنگ دیں ۔ماہرین نے ٹیم ہوٹلز اور اسٹیڈیمز میں بھی انتظامات کا جائزہ لیا ہے ۔ذرائع کا کہنا ہے کہ سیکورٹی وفد نے پاکستان میں انتظامات کو اطمینان بخش قراردے دیا ہے جورپورٹ بورڈ حکام کو پیش کرے گا ، سیریز کے شیڈول کا اعلان اگست کے دوسرے ہفتے میں ہوگا ۔انگلینڈ کرکٹ ٹیم نے دو مرحلوں میں پاکستان کا دورہ کرنا ہے ۔ پہلے مرحلے میں ستمبر کے وسط میں سات ٹی ٹوئنٹی کے لئے دورہ ہو گا دسمبر میں ٹیسٹ میچز ہوں گے ۔ٹی ٹوئنٹی اور ٹیسٹ سیریز کے شیڈول کا اعلان ایک ساتھ کیا جائے گا۔
