کراچی (اسٹاف رپورٹر)سابق صدر مملکت اور پیپلزپارٹی کے شریک چیئرمین آصف علی زرداری کی67ویں سالگرہ آج منائی جائیگی۔ سابق صدرآصف علی زرداری اپنی سالگرہ کا دن نانا کے طور پراپنے اکلوتے نواسے کے ساتھ دبئی میں منائیں گے۔ سابق صدرکی سالگرہ کے موقع پر ملک بھر میں پاکستان پیپلز پارٹی کے کارکنان جیالوں کی جانب سےکیک کاٹنے کی تقریبات منعقد ہونگی اور کیک کاٹے جائیں گے پیپلزپارٹی کے شریک چیئرمین آصف علی زرداری 26جولائی 1955کو پیدا ہوئے، وہ9ستمبر 2008ء سے لے کر 8ستمبر 2013ء تک پاکستان کے صدر رہے۔پیپلز پارٹی 26جولائی کو آصف زرداری کی سالگرہ بھرپوراندازمیں منائے گی۔ قبلازیں ترجمانِ بلاول ہاوَس نے سابق صدر آصف علی زرداری کے دبئی روانہ ہونے سے متعلق وضاحت کرتے ہوئے بتایا کہ آصف علی زرادری سالگرہ کا دن اپنے نواسے کے ساتھ منانے کے لیے دبئی گئے ہیں،سابق صدر چاہتے تھے کہ وہ نانا کے طور پر اپنی پہلی سالگرہ کا دن اپنے اکلوتے نواسے کے ساتھ منائیں، ترجمان کے مطابق سابق صدر مملکت مختصر دورے پر دبئی گئے ہیں، جلد وطن لوٹ آئیں گے۔
فرمان الہی
نماز کے اوقات
