فرمان الہی
نماز کے اوقات
کراچی (اسٹاف رپورٹر) پاکستان خواتین کرکٹ ٹیم کامن ویلتھ گیمز میں اپنا پہلا میچ جمعہ کو بارباڈوس کے خلاف کھیلے گی۔ خواتین ٹیم آئرلینڈ میں سہ فریقی سیریز میں شرکت کے بعد برمنگھم پہنچی ہے۔ سیریز میں پاکستان نے آئرلینڈ کے خلاف ایک میچ جیتا تھا تاہم آسٹریلیا سمیت باقی تین میچز بارش کی نذر ہوگئے تھے۔ ہیڈ کوچ ڈیوڈ ہیمپ کا کہنا ہے کہ بدقسمتی سے آئرلینڈ میں موسم کی وجہ سے میچز مکمل نہیں ہوسکے تاہم انہیں تمام پریکٹس سیشنز میں بھرپور ٹریننگ کا موقع ملا ۔ گزشتہ روز بھی تمام کھلاڑیوں نےایجبسٹن میں ٹریننگ سیشن میں حصہ لیا۔ بارباڈوس کی ٹیم میں زیادہ تر ویسٹ انڈیز ویمنز کی کھلاڑی شامل ہیں، لہٰذا یہ میچ آسان نہیں ہوگا۔
