• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایشیا کپ: کرکٹ اور انٹرٹینمنٹ کا سب سے بڑا میلہ ”جشن کرکٹ“ آج سے روزانہ ”جیو نیوز“ پر دیکھیں

آج کا اخبار
اہم خبریں
31 اگست ، 2022
کراچی (جنگ نیوز) ایشیا کپ کرکٹ ٹورنامنٹ 2022؁ء اس وقت اپنی آب و تاب کے ساتھ جاری ہے۔ ٹی ٹوئنٹی فارمیٹ پر مشتمل برق رفتار کرکٹ کا مزہ دوبالا کرنے اور شائقین کا جوش اور ولولہ بڑھانے کیلئے ”کرکٹ“ اور ”انٹرٹینمنٹ“ کا سب سے بڑا پروگرام ”جشن کرکٹ“ ایک بارپھر پاکستان کے سب سے بڑے نیوز چینل ”جیونیوز“ پر بدھ سے شروع کیا جارہا ہے۔ عوام کے پسندیدہ شو کاباقاعدہ آغاز رات 11 بجکر 5 منٹ پر ہوگا جس میں ہر دِن ایک نئی شخصیت جلوہ افروز ہوگی۔ اس شو میں پاکستان کے نامور کرکٹرز، آرٹسٹ، اداکار، فنکار، گلوکار اور سیاسی رہنما بھی شرکت کریں گے۔ مقبول شو میں ہر دِن ایک نئے مہمان کے ساتھ 500کی دوڑ کا گیم بھی کھیلا جائے گا۔ پاکستان کے نامور سابق بلے باز انضام الحق، کرکٹ کے سکندر سکندر بخت اور قہقہوں کے شہزادے علی میر بھی اپنی باتوں سے خوب رونق لگائیں گے۔ کرکٹ کے سنسنی خیز مقابلوں پر دلچسپ تجزیئے، تبصرے اور قہقہوں کی برسات لئے یہ شاندار پروگرام اینکر پرسن شہزاد اقبال کی میزبانی میں ”ایشیا کپ“ کے فائنل تک روزانہ ”جیونیوز“ سے نشر کیا جائے گا۔
اہم خبریں سے مزید