• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حکمرانوں کا غلط فیصلہ عوام کے غیظ و غضب میں بدل سکتا ہے، شیخ رشید

آج کا اخبار
اہم خبریں
07 ستمبر ، 2022
راولپنڈی(ٹی وی رپورٹ) سربراہ عوامی مسلم لیگ اور سابق وزیر داخلہ شیخ رشید کا کہنا ہے کہ حکمرانوں کاغلط فیصلہ عوام کےغیظ و غضب میں بدل سکتا ہے، لوگ زمینی حقائق سے واقف نہیں کیونکہ وہ عوام میں نہیں۔عمران خان کی مقبولیت کے طوفان کو قید کرنا یا نااہل کرنا مہنگا پڑسکتا ہے، اقتدار کے بھوکوں کے جمعہ بازار کی الیکشن میں تاخیرانکو لےڈوبے گی۔ ملک شدید سیاسی اور اعصابی تناؤ کا شکار اور بند گلی میں داخل ہو گیا ہے۔ سماجی رابطے کی ویب سائٹ ٹویٹر پر شیخ رشید نے کہا کہ پی ڈی ایم نے جو گڑھا عمران خان کیلئے کھودا تھا اس میں خود گر گئی ہے، ڈالر232 روپے کا، سیلاب، غذائی قحط اور وبائی امراض سر پر ہیں، چوروں نے صرف اپنے کیس ختم کرانے تھے، یہ سکیورٹی میں فوٹو کھنچا سکتے ہیں، عوام میں نہیں جاسکتے۔ سابق وزیر داخلہ کا کہنا تھا کہ 15کروڑ نوجوانوں کی جیب میں موبائل فون ہے۔
اہم خبریں سے مزید