• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آئرلینڈ کی خواتین کرکٹ ٹیم اگلے ماہ پاکستان کا دورہ کرے گی

آج کا اخبار
اسپورٹس
13 اکتوبر ، 2022
کراچی(اسٹاف رپورٹر)آئرلینڈ کی خواتین کرکٹ ٹیم تین ون ڈے انٹرنیشنل اور تین ٹی ٹونٹی انٹرنیشنل میچز پر مشتمل سیریز کھیلنے 4 سے 16 نومبر تک پاکستان کا دورہ کرے گی۔کرکٹ آئر لینڈ نے دورہ پاکستان کے لئے ویمن کرکٹ اسکواڈز کا اعلان کر دیا ون ڈے اور ٹی ٹوئنٹی سیریز کے لئے اسکواڈز کا اعلان کیا گیا ہے لاورا ڈیلانی ون ڈے اور ٹی ٹوئنٹی ٹیموں کی قیادت کریں گی ۔ آئی سی سی ویمنز چیمپئن شپ میں شامل اس سیریز میں قومی خواتین کرکٹ ٹیم اپنا پہلا ایک روزہ انٹرنیشنل میچ 4 نومبر کو قذافی اسٹیڈیم لاہور میں کھیلے گی۔مہمان اسکواڈ 29 اکتوبر کو لاہور پہنچے گا، جہاں وہ چار روز ٹریننگ کے بعد 4، 6 اور 9 نومبر کو تین ون ڈے انٹرنیشنل میچز کھیلے گا۔تین میچز پر مشتمل ٹی ٹونٹی انٹرنیشنل سیریز 12، 14 اور 16 نومبر کو کھیلی جائے گی۔ ہیڈآف ویمنز کرکٹ پی سی بی تانیہ ملک کا کہنا ہے کہ رواں سال کراچی میں کامیابی سے سری لنکا کی میزبانی کے بعد وہ اب لاہور میں آئرلینڈ ویمنز کرکٹ ٹیم کی میزبانی کے لیے پرجوش ہیں۔
اسپورٹس سے مزید