فرمان الہی
نماز کے اوقات
کراچی(اسٹاف رپورٹر)کرائسٹ چرچ میں تین قومی کرکٹ ٹورنامنٹ کا فائنل جمعے کومیزبان نیوزی لینڈ اور پاکستان کی ٹیموں کے درمیان کھیلا جائے گا۔میچ پاکستانی وقت کے مطابق صبح سات بجے شروع ہوگا۔نیوزی لینڈ کے کپتان کین ولیم سن واپس آکر ٹیم کی کپتانی کریں گے۔پاکستانی ٹیم میں فاسٹ بولر حارث روف کی واپسی کا امکان ہے۔ فائنل کے ساتھ ہی دونوں ٹیمیں ٹی ٹوئینٹی ورلڈ کپ میں شرکت کے لئے آسٹریلیا روانہ ہوجائیں گی۔ ٹورنامنٹ میں پاکستان اور نیوزی لینڈ نے تین تین میچ جیتے ہیں اور دونوں ٹیموں نے ایک دوسرے کے خلاف ایک میچ جیتا اور ایک ہارا ہے۔پاکستان نے آخری چار میں سے تین میچوں میں نیوزی لینڈ کو شکست دی ہے۔ تاہم ہیگلے کی پچ پر میزبان ٹیم فل اسٹرنتھ کے ساتھ اترے گی اور میچ میں دلچسپ مقابلے کی توقع ہے۔
