فرمان الہی
نماز کے اوقات
کراچی (جنگ نیوز) دُنیائے کرکٹ کے سب سے بڑے اور میگا ایونٹ ”ٹی ٹوئنٹی ورلڈ کپ“ کا سب سے بڑا میلہ ہفتے سے شروع ہورہا ہے۔ برق رفتار کرکٹ کا مزہ دوبالا کرنے کے ساتھ شائقین کا جوش اور ولولہ بڑھانے کیلئےدلچسپی سے بھر پور ”کرکٹ“ اور ”انٹرٹینمنٹ“ کا سب سے بڑا پروگرام ”جشن کرکٹ“ ایک با رپھر پاکستان کے سب سے بڑے نیوز چینل ”جیونیوز“ پر شروع کیا جارہا ہے۔ عوام کے مقبول ترین شو کاباقاعدہ آغاز ہفتے کی شب 11 بجکر 5 منٹ پر ہوگا ۔ اِن میں پاکستان کے نامور کرکٹرز، آرٹسٹ، اداکار، فنکار، گلوکار اور سیاسی رہنما بھی شامل ہیں۔ اس شو کی سب سے خاص بات یہ ہے کہ ناظرین کے پسندیدہ میزبان ”تابش ہاشمی“اس بار ”جشن کرکٹ“ کی میزبانی کے فرائض انجام دیں گے یہ شاندار پروگرام ورلڈ کپ کے فائنل میچ تک روزانہ ”جیونیوز“ سے نشر ہوگا۔
