فرمان الہی
نماز کے اوقات
کراچی (اسٹاف رپورٹر) پا کستان سپر لیگ 2023 میں سابق کپتان سرفراز احمد سمیت پانچ کھلاڑیوں کی قدر کم ہوگئی، انکی کٹیگریز میں تنزلی کردی گئی ہے۔کوئٹہ کے سرفراز احمد پلاٹینیم سے گولڈ، اسلام آباد کے حسن علی پلاٹینیم سے ڈائمنڈ، فہیم اشرف ڈائمنڈ سے گولڈ، ملتان سلطانز کے صہیب مقصود ڈائمنڈ سے گولڈاور پشاور کےوہاب ریاض پلاٹینیم سے گولڈ کٹیگری میں چلے گئے ہیں۔ آٹھ مقامی کھلاڑیوں کی کیٹیگریز کو اپ گریڈ کیا گیا ہے۔ ان میں سے سات ٹی ٹوئنٹی ورلڈ کپ میں قومی اسکواڈ کا حصہ ہیں۔ محمد وسیم جونیئر، شاہنواز دہانی ، نسیم شاہ اور شان مسعود گولڈ سے ڈائمنڈ، حیدرعلی اور محمد نواز ڈائمنڈ سے پلاٹینم جبکہ محمد حارث سلور سے گولڈ کیٹگری میں پہنچ گئے ہیں۔ پی ایس ایل کے لیے غیر ملکی کھلاڑیوں کی رجسٹریشن شروع ہوگئی ہے۔ ٹورنامنٹ چار شہروں میں 9 فروری سے 19 مارچ 2023 تک کھیلا جائے گا۔ دو سال میں9یا کم میچ کھیلنے والے انڈر 23 کےکھلاڑی اب ایمرجنگ کٹیگری میں شامل نہیں ہوں گے۔
