فرمان الہی
نماز کے اوقات
تہران (اے پی پی) ایران کے وزیر خارجہ امیر عبداللہیان کا کہنا ہے کہ روس ہمارا اسٹریٹجک پارٹنر ہے،یوکرین جنگ کیخلاف ہیں ،حالیہ دنوں میں جو کچھ ایران میں رونما ہوا وہ امریکہ کا پلان بی تھا، یہ بات ہمارے لیے ڈھکی چھپی نہیں ہے کہ وائٹ ہاؤس نے گزشتہ 43سالوں کے دوران ہمیشہ ایران کے نظام کو بدلنے کی کوشش کی ہےحالیہ دنوں میں جو کچھ ایران میں رونما ہوا وہ امریکہ کا پلان بی تھا۔تفصیل کے مطابق اقوام متحدہ کے چارٹر کے دفاع میں دوست گروپ کے قومی رابطہ کاروں کے پہلے اجلاس کی سائڈ لائن پر صحافیوں سے گفتگو کرتے ہوئے امیر عبداللہیان نے کہا کہ جوہری مذاکرات کے دوران امریکہ کو واضح طور پر کہا گیا تھا کہ آپ کا طرز عمل ایماندارانہ اور مسئلہ کو حل کرنے پر مبنی نہیں ہے اور آپ خطے میں اپنے مفادات کے حصول کیلئے ہمیشہ پوشیدہ مقاصد کے درپے رہتے ہیں۔
ایران کے حالیہ فسادات کے حوالے سے امریکی عزائم کی وضاحت دیتے ہوئے ایرانی وزیر خارجہ کا کہنا تھا کہ ان کا یہ ارادہ تھا اور وہ ایک عرصے سے کہہ رہے تھے کہ امریکہ پلان بی پر عمل کر رہا ہےہماری قوم نے ملک میں حالیہ ہفتوں کے واقعات میں جو کچھ دیکھا وہ سب امریکیوں کا پلان بی تھا ۔
انہوں نے ایران روس تعلقات اور یوکرین جنگ کے بارے میں ایران کے اصولی موقف کا اعادہ کرتے ہوئے کہا کہ روس ہمارا اسٹریٹجک پارٹنر ہے تاہم ہم یوکرین جنگ کے خلاف ہیں اور جس طرح ہم نے بارہا یوکرینی حکام پر بھی واضح کیا ہے کہ اگر ان کے پاس یوکرین جنگ میں ایرانی ڈرونز کے استعال پر شواہد ہیں تو ہمیں پیش کریں، ایران ہرگز اس مسئلے سے لاتعلق نہیں رہیں گے۔
