فرمان الہی
نماز کے اوقات
کراچی( اسٹاف رپورٹر)قومی ہاکی ٹیم سلطان اذلان شاہ ہاکی کپ ٹور نامنٹ میں برانز میڈل جیتنے کے بعد ہفتے کو ملائیشیا سے کراچی پہنچ گئی، قومی ہیروز کو پاکستان رینجرز اور سندھ پولیس کے فول پروف سیکورٹی پروٹوکول میں ایئرپورٹ سے لایا گیا.قومی کھلاڑیوں نے اس موقع پر سلطان ازلان شاہ ہاکی کپ میں 11 سال بعد وکٹری اسٹینڈ تک آنے پر خوشی کا اظہار کرتے ہوئے کہا کہ یہ جیت کھلاڑیوں کی محنت اور قوم کی دعاؤں سے ممکن ہوئی ہے ۔اس موقع پر میڈیا سے بات چیت کرتے ہوئے سیکرٹری جنرل پاکستان ہاکی فیڈریشن حیدر حسین ، کپتان قومی ہاکی ٹیم محمد عمر بھٹہ، مینجر پاکستان ہاکی ٹیم محمد سعید خان اور کوچ ایاز محمود نے کہا کہ اسپانسرکے مشکور ہیں جنہوں نے قومی ہاکی ٹیم کو اس کڑے وقت میں سپوٹ کیا قومی ہاکی ٹیم برانز میڈل کے ساتھ وطن واپس لوٹی۔اس سے قبل وزیر اعظم پاکستان میاں شہباز شریف و دیگر ملکی سیاسی و سماجی افراد نے سوشل میڈیاپر ٹیم کو مبارکباد دی تھی۔
