اسلام آباد( نیوز رپورٹر) وزیراعظم محمد شہباز شریف نے کہا ہے کہ میاں نوازشریف صرف میرے لیڈر یابڑے بھائی ہی نہیں ہیں بلکہ وہ میری پوری زندگی میں میرے لئے طاقت کا ستون ہیں۔ہفتہ کو لندن سے وطن واپسی پر نواز شریف سے رخصت ہوتے وقت کی ایک تصویر پر اپنے ٹویٹ میں انہوں نے کہا کہ نوازشریف کا اندازمحبت میرے لئے اعتماد اور رہنمائی کا ذریعہ ہے۔بعد ازاں وزیر اعظم نے واپسی ایک روز کیلئے موخر کردی۔وزیراعظم شہباز شریف نے طبیعت ناساز ہونے کے باعث اپنی پاکستان روانگی مؤخر کر دی۔وزیراعظم شہباز شریف چند روز قبل لندن گئے تھے اور انہیں گزشتہ روز پاکستان کے لیے روانہ ہونا تھا تاہم انہوں نے اپنا قیام ایک روز کے لیے بڑھا دیا تھا جس کے بعد انہیں آج وطن کے لیے روانہ ہونا تھا۔تاہم اب شریف فیملی کے ذرائع سے اطلاعات ملی ہیں کہ شہباز شریف لندن میں مزید دو روز قیام کریں گے، وطن واپسی کے لیے ائیر پورٹ روانگی سے قبل وزیراعظم شہباز شریف کی طبیعت ناساز ہوگئی، وزیراعظم کو ائیرپورٹ روانگی سے قبل ہلکا بخار محسوس ہوا۔ذرائع کے مطابق وزیراعظم شہباز شریف کی ناساز طبیعت کے باعث فیملی نے انہیں سفر نہ کرنے کا مشورہ دیا جس کے باعث انہوں نے اپنی پاکستان روانگی مؤخر کر دی۔فیملی ذرائع کا بتانا ہے کہ وزیراعظم شہباز شریف دو روز مزید لندن میں قیام کریں گے۔
فرمان الہی
نماز کے اوقات
