• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاک چین شراکت داری کو دشمن قوتیں کمزور نہیں کرسکتی، دفتر خارجہ

آج کا اخبار
اہم خبریں
15 نومبر ، 2022
اسلام آباد (نمائندہ جنگ) پاکستان نے ملک میں چینی کارکنوں، منصوبوں اور اداروں کے تحفظ کے لیے اپنے بھرپور عزم کا اعادہ کرتے ہوئے کہا ہے کہ پاک چین سٹریٹجک تعاون پر مبنی شراکت داری کو دشمن قوتیں کبھی کمزور نہیں کر سکتی ہیں۔ پیر کو دفتر خارجہ کی ترجمان ممتاز زہرا بلوچ نے داسو ہائیڈرو پاور پراجیکٹ پر کام کرنے والے چینیانجینئرز پر گزشتہ سال دہشت گردانہ حملے کے فیصلے کے حوالے سے ایک سوال کے جواب میں کہا ہے کہ ہم نے متعلقہ عدالت کے سنائے گئے فیصلے اور مقامی پولیس کی طرف سے جاری کردہ تفصیلات کو نوٹ کیا ہے۔ ترجمان نے پیر کو ایک بیان میں کہا کہ اگرچہ مخصوص سوالات متعلقہ حکام کو بھیجے جاسکتے ہیں لیکن اس معاملے میں فعال تفتیش، استغاثہ اور فیصلے نے ایک بار پھر انسداد دہشت گردی کے لیے پاکستان کے پختہ عزم کا اظہار کیا ہے۔ ترجمان نے ایک بار پھر متاثرین کے اہل خانہ سے گہری تعزیت کا اظہار کرتے ہوئے کہا کہ پاکستان میں چینی کارکنوں، منصوبوں اور اداروں کی حفاظت کے لیے پرعزم ہیں۔
اہم خبریں سے مزید