• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملک کا نظام چلانے کیلئے نیب کا ادارہ ختم کرنا ہوگا، شاہد خاقان عباسی

آج کا اخبار
اہم خبریں
26 نومبر ، 2022
اسلام آ باد(پی پی آ ئی) مسلم لیگ (ن) کے رہنما اورسابق وزیر اعظم شاہد خاقان عباسی نے کہا ہے کہ ملک کا نظام چلانے کیلئے نیب کا ادارہ ختم کرنا ہوگا، کابینہ جومرضی فیصلے کرے سرکاری افسراس پرعمل درآمد کیلئے تیار نہیں ہیں، اس ادارے کو فوری ختم کرنے کی ضرورت ہے اور احتساب کا نیا نظام بنائیں۔وہ احتساب عدالت میں پیشی کے بعد میڈیا سے گفتگو کررہے تھے۔ شاہد خاقان عباسی نے کہا کہ سابق چیئرمین نے صرف سیاستدانوں کو دبانے کیلئے یہ کیسز بنائے، موجودہ چیئرمین حقائق عوام کے سامنے رکھیں، جاوید اقبال خود بھی احتساب عدالت میں پیش ہو کر اپنے اثاثے قوم کے سامنے رکھیں۔اپنے بیان میں شاہد خاقان نے سابق وزیراعظم کو تنقید کا نشانہ بناتے ہوئے کہا کہ عمران خان نے ایک مہینہ پہلے سفر شروع کیا اور ابھی تک نہیں پہنچے، جس مقصد کیلئے وہ آئے تھے کہ آرمی چیف کی تقرری پر اثر انداز ہوں وہ توخوش اسلوبی سے طے ہوگیا ہے۔شاہد خاقان عباسی نے کہا کہ آرمی چیف کے معاملے میں میڈیا سرکس لگائی گئی اس کی کوئی ضرورت نہیں تھی، عمران خان کو اکثر باتیں دیر سے سمجھ آتی ہیں عمران خان کو آئین پڑھ کر تعیناتی کا عمل سمجھ آگیا ہوگا۔
اہم خبریں سے مزید