گیس، بجلی اور اشیا خورونوش کی بڑھتی قیمتوں سے شہری اذیت کا شکار

فیصل آباد ( آن لائن ) پٹرولیم مصنوعات، گیس اور بجلی کی بڑھتی قیمتوں کی وجہ سے پہلے ہی مشکلات کا شکار شہری سبزیوں اور اشیائے ضروریہ کی سرکاری اور ریٹیل قیمتوں میں پائے جانے والے بڑے فرق پر بحث و تکرار کرتے نظر آتے ہیں ، دودھ ،دہی ،گوشت ،انڈے ،چینی ،آٹا اور گھی سمیت مختلف اشیاء کی قیمتوں منافع خوروں نے خود ہی مقرر کررکھی ہیں، ضلعی انتظامیہ کے اہلکار دفتروں میں بیٹھ کر ریٹ لسٹ تیار کرتے ہیں،ضلعی انتظامیہ منافع خوروں اور ذخیرہ اندوزوں کے سامنے مکمل طور پر بے بس ہے،انتظامیہ کی طرف سے جاری کردہ سبزیوں کے یومیہ ہول سیل اور ریٹیل ریٹس میں بہت زیادہ فرق پایا جاتا ہے۔