فرمان الہی
نماز کے اوقات
کراچی(اسٹاف رپورٹر) پشاور زلمی نے پاکستان سپر لیگ 8کے لئے بابر اعظم کو وہاب ریاض کی جگہ کپتان مقرر کیا ہے۔ بابر اعظم کی قیادت میں کراچی کنگز نے گذشتہ برس آخری پوزیشن حاصل کی تھی۔ پشاور زلمی انتظامیہ نے سابق کپتان اور پی ایس ایل کی تاریخ کے کامیاب بولروہاب ریاض کا شکریہ ادا کیا اور امیدظاہر کی کہ ہے کہ وہاب ریاض ماضی کی طرح میچ وننگ کارکردگی دکھائیں گے۔ بابر اعظم نے کہا ہےکہ پشاور زلمی کی قیادت باعث اعزاز اور نِئے چیلنج کے لیے پرجوش اور عمدہ کارکردگی کے لیے پرامید ہوں۔ پشاور زلمی کے ڈائریکٹر کرکٹ محمد اکرم نے کہا کہ بابر اعظم کے تجربے سے پشاور زلمی کو بھرپور مدد ملے گی۔ زلمی کے چیئرمین جاوید آفریدی نے کہا کہ بابر اعظم اس وقت کرکٹ کے تینوں فارمیٹس میں دنیا کے بہترین بیٹر اور پاکستان کرکٹ کا فخر ہیں ۔ان کی کپتانی میں پشاور زلمی پی ایس ایل آٹھ میں شاندار کارکردگی دکھائے گی۔
