کراچی (ٹی وی رپورٹ)ایم کیو ایم وفد کی وزیراعظم اور آصف زرداری سے ملاقاتوں کی اندرونی کہانی ،ایم کیو ایم کی وزیراعظم اور آصف زرداری سے معاہدے پر عملدرآمد نہ ہونے کی شکایت ،سابق صدر آصف علی زرداری نے ایم کیو ایم کے تحفظات پر وزیراعلیٰ سندھ سے بات کرنے کی یقین دہانی کرائی۔ایم کیو ایم کی جانب سے وزیراعظم سے ملاقات میں شکوہ کیا گیا کہ معاہدے پر عملدرآمد نہیں کیا گیا جبکہ بطور گواہ معاہد ے پر آپ کے دستخط موجود ہیں ،وزیراعظم کی جانب سے بھی ایم کیو ایم کو ان کے تحفظات دور کرنے کی یقین دہانی کرائی گئی ۔قبل ازیں متحدہ قومی موومنٹ کے وفد کی اسلام آباد میں وزیراعظم شہباز شریف سے ملاقات ہوئی ،ملاقات میں کراچی میں بلدیاتی الیکشن ، نئی حلقہ بندیوں اور پیپلز پارٹی سے معاہدے پر بات ہوئی، دریں اثنا گورنر سندھ نے ایم کیوایم کے وفد کے ساتھ شریک چیئرمین پیپلز پارٹی آصف علی زرداری سے بھی ملاقات کی ۔ ایم کیوایم ذرائع کے مطابق وزیراعظم شہباز شریف سے ایم کیوایم پاکستان کے کنوینئر خالد مقبول صدیقی اور ڈپٹی کنوینئر وسیم اختر نے ملاقات کی ہے ، گورنر سندھ کامران ٹیسوری بھی ملاقات میں شریک تھے ۔
فرمان الہی
نماز کے اوقات
