فرمان الہی
نماز کے اوقات
کراچی (اسٹاف رپورٹر) پاکستان سپر لیگ کا آغاز ملتان سے ہوگا۔ اب یہ قیاس آرائیاں دم توڑتی ہوئی دکھائی دے رہی ہیں کہ افتتاحی تقریب اور پہلا میچ کراچی میں ہوگا۔ 13 فروری کو کراچی میں سیکیورٹی اداروں کی جانب سے ایک تقریب کی وجہ سے ممکن نہیں ہے کہ نیشنل اسٹیڈیم میں افتتاحی تقریب ہوگی۔ ذرائع کا کہنا ہے کہ ٹورنامنٹ کا آغاز پروگرام کے مطابق ملتان ہی میں ہوگا۔ ٹورنامنٹ کو اسپانسر کرنے والا ادارہ بھی چاہتا ہے کہ ٹورنامنٹ کراچی سے شروع ہو لیکن لاجسٹکس مسائل کی وجہ سے اب ٹورنامنٹ ملتان ہی سے شروع ہوگا۔ دریں اثنا کوئٹہ میں میچ کرانے کی کوشش بھی کامیاب نہیں ہوسکی ہے۔ ذرائع کا کہنا ہے کہ کوئٹہ میں بھی اس سال پی ایس ایل کا کوئی میچ نہیں ہوگا۔ نجم سیٹھی نے چیئرمین بننے کے بعد بگٹی اسٹیڈیم میں میچ کرانے کا دعویٰ کیا تھا۔ پی ایس ایل کا شیڈول بھی تاخیر کا شکار ہے۔ دوسری جانب پاکستان کرکٹ بورڈ نے پی ایس ایل 8 کے پرانے شیڈول کو ہی برقرار رکھنے پر غور کیا ہے۔
