فرمان الہی
نماز کے اوقات
کراچی (اسٹاف رپورٹر) پاکستان کرکٹ بورڈ 2014 کا آئین بحال کرنے کے بعد نیشنل بینک، واپڈا، زرعی ترقیاتی بینک ، کے آریل، سوئی سدرن، سوئی ناردرن اور اسٹیٹ بینک جیسے ڈپارٹمنٹس کی ٹیموں کو قومی سرکٹ میں شامل کرنا چاہتا ہے ۔ چیئرمین پی سی بی منیجمنٹ کمیٹی نجم سیٹھی دبئی سے واپس آکر ڈپارٹمنٹس کے سربراہوں سے ملیں گے آئین کے مطابق آٹھ ڈپارٹمنٹس اور آٹھ ریجن کی ٹیمیں فرسٹ کلاس میں شرکت کریں گی۔ انہی میں سے ڈپارٹمنٹ اور ریجن میں سے بورڈ آف گورنرز کی نامزدگی ہوگی۔ موجودہ بورڈ انتظامیہ کو چار ماہ میں قانونی رکاوٹو ں کو ختم کرکے ڈپارٹمنٹل ٹیموں کو سرکٹ میں لانا ہوگا۔ ذرائع کا کہنا ہے کہ وزیر اعظم کی ہدایت کے مطابق ڈپارٹمنٹس ٹیمیں بنانے کو تیار ہیں لیکن کھلاڑیوں کو کتنی تنخواہ ملے گی۔ اس بارے میں اداروں کو پالیسی بنانا ہے۔ ستمبر میں نیا سیزن شروع ہوگا۔
