لندن(این این آئی)عوامی مسلم لیگ کے سربراہ شیخ رشید نے کہاہے کہ جیل ان کی سسرال ہے، ہتھکڑی زیور اور موت محبوبہ ہے،اسٹیبلشمنٹ سے میرا10مہینوں سے کوئی رابطہ نہیں‘میں سمجھتا ہوں رابطہ ہونا چاہیے ،عمران خان گرفتار ہوئے تو ان کی تصویر الیکشن لڑے گی‘ن لیگ کی جو اجتماعی قبر بن رہی ہے اس میں نواز شریف قل پڑھائیں‘اپریل میں ان کی ٹھکائی ہونی ہے۔جمعہ کو لند ن میں پریس کانفرنس کرتے ہوئے شیخ رشید نے کہاکہ مجھے عمران خان نے 10ماہ پہلے کہا تھاکہ اسٹیبلشمنٹ سے رابطے میں نہیں پڑنا، میں نے ان سے کہا میں عمران خان کے ساتھ کھڑا ہوں،پھر کسی نے مجھے تنگ نہیں کیا۔نواز شریف پاکستان واپس آ جائیں، یہاں کیوں بیٹھے ہوئے ہیں‘نوازشریف خودکو سیاسی طور پر زندہ رکھنے کی ناکام کوشش کر رہے ہیں۔سابق وفاقی وزیر نے کہاکہ پاکستان میں آج تیسرا آدمی آٹے کی بوری لیتے ہوئے مر گیا‘لوگ ان کے ہاتھوں سے نکل رہے ہیں‘ن لیگ کے لوگوں کی بڑی تعداد حوصلے چھوڑ کرجانے کیلئے تیار ہے، سارے پرندوں کیلئے وہاں جگہ نہیں ہے۔ زرمبادلہ ذخائر 4.5ارب ڈالرز سے نیچے آگئے، یہ بڑے چیمپئن بنتے تھے، جو پہاڑی تودہ ہمارے اوپر گرنا تھا وہ ان13پارٹیوں کو زمین بوس کر گیا، ق لیگ کا اپنا فیصلہ ہو گا‘پاکستان میں مستقبل کی حکومت اوورسیز پاکستانیوں کی ہو گی۔مجھے اور عمران خان کو یقین تھا کہ ہمارے ساتھ ہاتھ نہیں ہو گا۔ چوہدری شجاعت اور پرویز الہٰی ایک ہیں۔
فرمان الہی
نماز کے اوقات
