فرمان الہی
نماز کے اوقات
کراچی ( اسٹاف رپورٹر) بھارتی ہاکی ٹیم اپنے ہوم گراؤنڈ پر ورلڈ کپ ہاکی ٹور نامنٹ کے کوارٹر فائنل میں کوالیفائی کرنے میں نا کام ہونے کے بعد ایونٹ سے باہر ہوگئی۔ نیوزی لینڈ نے بھارت سے کرکٹ ٹیم کی ون ڈے سیریز میں شکست کا بدلہ لے لیا۔ میزبان بھارت کو نیوزی لینڈ نے پنالٹی شوٹ آؤٹ پر5۔4 سے شکست دے کر ٹور نامنٹ سے بھی آ ؤٹ کردیا، مقررہ وقت تک میچ 3-3گول سے برابر تھا۔ بھارت کو ایک موقع پر 2-0 اور دوسری بار 3-1 سے برتری حاصل تھی، لیکن کیویز نے ہوم ٹیم کے ڈیفنس کو تہس نہس کرتے ہوئے میچ برابر کیا اور شوٹ آؤٹ پر فتح اپنے نام کرلی۔ دلچسپ بات ہے کہ پنالٹی شوٹس پر بھی مقابلہ 3-3 رہا۔ اس پر میچ سڈن ڈیتھ تک گیا ۔اتوار کو دوسرے میچ میں اسپین نے ملائیشیا کو پنالٹی شوٹ آؤٹ پر4-3سے مات دے کر کوارٹر فائنل میں جگہ بنالی، مقررہ وقت تک میچ ، دو، دو گول سے برابر تھا، اسپین کا کوارٹر فائنل میں آسٹریلیا سے مقابلہ ہوگا،آسٹریلیا اور بیلجیم بھی کوارٹر فائنل میں پہنچ گئے۔
