• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران خان اپنے سیاہ دور کا حساب دیں، ن لیگ بھی حساب دینے کو تیار ہے،مریم نواز

میرا شہر
ملتان
11 فروری ، 2023
ملتان(سٹاف رپورٹر)مسلم لیگ ن کی مرکزی چیف آ رگنائزر مریم نواز نے کہا ہے کہ عمران خان اپنے چار سالہ ملکی تاریخ کے سیاہ دور کا قوم کو حساب دیں کہ پی ٹی آئی اور انہوں نے اربوں کھربوں روپے کہاں خرچ کئے اور عوام کی فلاح و بہبود کے لیے کون سا میگا پراجیکٹس کو پایہ تکمیل تک پہنچایا۔ ن لیگ بھی حساب دینے کو تیار ہے۔ ان خیالات کا اظہار انہوں نے مسلم لیگ ن شعبہ خواتین کی سٹی صدر وسابق رکن صوبائی اسمبلی سلطانہ شاہین،سٹی جنرل سیکرٹری وسابق رکن قومی اسمبلی شاہین شفیق سے کی گئی ملاقات میں کیا۔ اس موقع پر شعبہ خواتین سٹی کی کارکردگی کو سراہا ۔مریم نواز نے مزید کہا کہ بڑھتی ہوئی معاشی بدحالی اور بحرانوں کے ذمہ دار عمران خان ہیں جس نے نیرو کی بانسری بجانے کا کردار ادا کیا جن کی نااہلانہ پالیسیوں کی وجہ سے کئی سال پیچھے چلے گئے،لیکن جس ترقی و خوشحالی کا سفر قائد میاں نواز شریف نے شروع کیا تھا انشاء اللہ وہ ترقی و خوشحالی کا سفر جاری ہے، وزیراعظم شہباز شریف اتحادی جماعتوں کے شانہ بشانہ ملک وقوم کی خوشحالی کے لیے مزید اقدامات اٹھائیں گے۔
ملتان سے مزید