• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کرکٹ اور انٹرٹینمنٹ یکجا، پی ایس ایل کیلئے سب سے بڑا شو ”ہارنا منع ہے“ آج سے روزانہ ”جیونیوز“ پر دیکھیں

آج کا اخبار
اہم خبریں
12 فروری ، 2023
کراچی (محمد ناصر)پاکستان کرکٹ کی تاریخ کے سب سے بڑے اور میگا ایونٹ ”پاکستان سپر لیگ“ کے آٹھویں سیزن کاباقاعدہ آغاز 13فروری سے ملتان میں ہورہا ہے۔ ٹی ٹوئنٹی فارمیٹ پر مشتمل برق رفتار کرکٹ کا مزہ دوبالا کرنے اور شائقین کا جوش اور ولولہ بڑھانے کیلئے ”کرکٹ“ اور ”انٹرٹینمنٹ“ کا سب سے بڑا پروگرام اس بار ایک نئی آب و تاب کے ساتھ پاکستان کے سب سے بڑے نیوز چینل ”جیونیوز“ پر نشر کیا جائے گا۔ ”ہارنا منع ہے“کے عنوان سے شروع ہونے والے نئے انداز کے اس شو میں کرکٹ اور انٹرٹینمنٹ کو یکجا کردیا گیا ہے۔ پی ایس ایل کے سنسنی خیز ایونٹ میں جوش اور مزاح کا تڑکا لگانے کیلئے اس دلچسپ پروگرام کا باقاعدہ آغاز اتوار شب 11 بجکر 5 منٹ پر ہوگا جس میں ہر دِن ایک نئی شخصیت جلوہ افروز ہوگی۔ پاکستان کے نامور کرکٹرز، آرٹسٹ، اداکار، فنکار، گلوکار اور سیاسی رہنما بھی شرکت کریں گے۔ اس نئے شو میں ہر دِن ایک نئے مہمان کے ساتھ مزیدار گیم کا مقابلہ بھی ہوگا۔ ”ہارنا منع ہے“ میں پاکستان کے نامور کرکٹرز کے ساتھ دیگر مہمان بھی قہقہوں سے رونق لگائیں گے۔ پی ایس ایل کے سنسنی خیز مقابلوں پر دلچسپ تجزیئے، تبصرے اور قہقہوں کی برسات لئے یہ شاندار پروگرام تابش ہاشمی کی میزبانی میں ”پاکستان سپر لیگ“ کے فائنل میچ تک روزانہ ”جیونیوز“ سے نشر کیا جائے گا۔
اہم خبریں سے مزید